ງານເປີດໂຕປຶ້ມ ຂໍລິຂິດ ຊີວິດຕົນເອງ Destine the life ສີສຸກ ສຸວັນນະຜ່ອງໃສ

ວັນທີ 1 ກັນຍາ 2018 ທີ່ຜ່ານມາ
ເປັນວັນເປີດໂຕປຶ້ມຂໍລິຂິດ ຊີວິດຕົນເອງ Destine the life
ເປັນຜົນງານໃໝ່ລ້າສຸດຂອງ ພຣະ ສີສຸກ ສຸວັນນະຜ່ອງໃສ

ພາຍໃນງານມີແຂກເຂົ້າຮ່ວມ 50 ປາຍກວ່າຊີວິດ
ໃນນັ້ນມີຜູ້ໃຫຍ່ໃຈດີທີ່ໃຫ້ການສະໜັບສະໜູນຄື 
• ສຳນັກພິມໃບໂພ 
• ຜູ້ສະໜັບສະໜູນທຶນຫຼັກ ທ່ານ ຮສ ດຣ. ວິຣັດ ເຣືອງສີຕະກຸນ
• ຮ້ານຂາຍປື້ມ ແລະເຄື່ອງຫຼິ້ນ ໂມນິວເມັນ 
• ຮ້ານຂາຍປຶ້ມອອນໄລນ໌ຮັກອ່ານ
• ຮ້ານຂາຍປຶ້ມອອນໄລນ໌ ອີຊີບຸກ

ແລະແຂກພິເສດທີ່ຖືກເຊີນເຂົ້າຮ່ວມໃນງານມີ
• ພຣະອາຈານ ໄພວັນ ມາລາວົງ ນັກກະວີລາງວັນແມ່ນ້ຳຂອງ ແລະທັງເປັນເຈົ້າຂອງຜົນງານປຶ້ມອີກຫຼວງຫຼາຍ ທີ່ໄດ້ຈັດພິມສູ່ສາຍຕາມະຫາຊົນ.

• ພຣະ ວຽງສະຫວັນ ສິງຫາວົງ ເຈົ້າຂອງຜົນງານປຶ້ມຫົວໃໝ່ລ້າສຸດ  ສ້າງຄວາມສຸກ ດ້ວຍພະລັງແຫ່ງຄວາມຄິດ.

• ທ່ານອາຈານ ເສືອ ສີວິໄລສິດ ເຈົ້າຂອງຜົນງານປຶ້ມຈະຈື່ ຫຼືຈະສ້າງຕຳນານ, ສາຍຕາປົກອິນຊີ ແລະທີ່ຄາດບໍ່ເຖິງວ່າເພິ່ນຈະເຂົ້າຮ່ວມກໍຄື ພຣະອາຈາຣຍ໌ ໄຊຍະເດດ ວົງໂສພາ ທີ່ເປັນພຣະຜູ້ໃຫຍ່ທີ່ຜູ້ຂຽນເອງນັບຖື ແລະຖືວ່າເປັນບຸກຄົນຕົ້ນແບບອົງໜຶ່ງ.

          ບັນຍາກາດພາຍໃນງານມີຄວາມເປັນກັນເອງຫຼາຍ ສຳລັບປຶ້ມທີ່ວາງຈຳ      ໜ່າຍໃນງານຈະຫຼຸດລາຄາພິເສດຄື ຈາກປົກກະຕິ 38,000 ກີບ ຫຼຸດເຫຼືອ 30,000 ກີບ, ມີຜູ້ສະໜັບສະໜູນຂຶ້ນກ່າວສະແດງຄວາມຄິດເຫັນ ແລະແຂກພິເສດກໍໄດ້ປະກອບຄວາມຄິດເຫັນລົງໃນງານຄັ້ງນີ້ ຫຼັງຈາກນັ້ນເຈົ້າຂອງຜົນງານກໍໄດ້ມອບຜົນງານໃຫ້ກັບຜູ້ໃຫ້ການສະໜັບ
ສະໜູນ ແລະແຂກພິເສດທີ່ເຂົ້າຮ່ວມ ເມື່ອຈົບຂັ້ນວິທີທາງການ ກໍເຂົ້າສູ່ພິທີເປີດໂຕປຶ້ມ ເຊິ່ງມີເຂົ້າຂອງຜູ້ງານເປັນຜູ້ບັນຍາຍ ຫຼັງຈາກນັ້ນກໍມີການຮັບຄຳຖາມຈັກຜູ້ເຂົ້າຮ່ວມກ່ຽວກັບປຶ້ມ.

ກ່ອນຈະຈົບງານພິທີກອນໄດ້ເຊີນໃຫ້ທຸກຄົນທີ່ເຂົ້າຮ່ວມງານຖ່າຍ
ຮູບຮ່ວມກັນເປັນທີ່ລະນຶກ ແລະຖ່າຍຮູບກັບເຈົ້າຂອງຜົນງານພ້ອມຮັບລາຍເຊັນ...